هل النساء تفكيرن محدود.... او بنصف عقل كما يقال ....؟؟؟؟؟؟؟

اول شي بدي اسمع رأي اختي دمعة أمل

ايه تكرم عيونك انا اللي بعطي رأيي ..
ما رح أستشهد بالدين لأنو كلام الدين مسلم فيه ولا يعلى عليه في موضوع بيحكي عن هالشي
انا ما بعرف شي اسمو النساء بنص عقل لأنو الله خلقنا بعقل كامل ويلي عقلو ناقص فهو لاحول ولا قوة يعتبر من ذوي الحاجات الخاصة
وما بيقدر يستوعب شي يعني قلو مرحبا ما رح يقدر يفهم إنو هالكلمة من دواعي التواصل الاجتماعي
اما نحنا الحمدلله متعلمين وطالبات جامعيات أو حتى بغض النظر عن الدراسة لأنو مو دائما هيي الاساس
بس فينا نقوم بأشياء كتيرة ويعتمد علينا بأشياء كتيرة وإذا كان عندك اخت صديقي ستار حاول تعطيها مهمة وصعبة شوي وشوف النتيجة أو حاول تناقشا بموضوع جدي ومهم وشوف بتفهم وبتشغل عقلا كلو ولا لأ ؟؟؟ أكيد رح تفاجئك بأفكارا
بس يلي مخلي الرجل يقول عنا بنص عقل هو انو الانثى عندا مشاعر جياشة بتخليها تتصرف بعاطفة وليس بعقل
يعني مثال صغير ما بعرف إذا بيوفي بالغرض ...
الشب إذا قلو أبوه ماعاد في طلعات وسهرات برات البيت فهماااان؟؟؟؟
رح تكون ردة فعل الشب عااااااااااااااادية كتير ورح يساير ويقول أبي أكيد معصب وبكرا بيروق
أما البنت إذا قلا أبوا ماعاد في تلفونات وسوالف مع أصحابك ؟؟؟؟
رح تبكي كتير وتستغرب من لهجة الاب وتفكر انو ما بيحبا ويييي شو بيخطرلا شغلات
لأنو فكرت بعاطفتا مو بعقلا وإلا العقل بيقول ما في داعي تقضي البنت شي ساعة حكي عالتلفون لأنو عادة سيئة
هاي القصة وببساطة
لا بدنا نحكي بقوانين ولا برياضيات ولا هندسة
قصة عواطف وبس
ان شاءالله يكون كلامي خفيف عالقلب
وشكرا ليدي لطرح الموضوع بتمنى الكل يشارك فيه

بس لو اني فاضي بس صارت الساعة 8ولازم اطلع عالدوام
بنكمل اختي
انا قرأت الكلام
وفيه انتقادات كثيرة

مو مشكلة أبدا
وانا كلي آذان صاغية ..... عفوا وأنا كلي عيون قارئة وعقل يفهم ويناقش

الله يكرمك اختي دمعة
صح انو النساء بعقل كامل
بس في نقطة
(العاطفة عند المرأة تتغلب على عقلها)
يعني اذا اشتغلت العاطفة عند المرأة يتوقف عقلها عن التفكير
بمعنى
بتفكر بالعاطفة وبتنسى العقل
وبمعنى اكثر للتوضيح
بتصير تفكر بالعاطفة وبتنسى العقل
وبتفوت من ورا هالشغلة بمتاهات
بتوحي انو المرا بنص عقل
.........
مشان ما تفكرو لبعيد
كثيييييييييييييييير
انا من النوع الي بيحب انو تكون المرا بنص عقل
بس مو بكل الاحيان
بس لييييييييييييييييش
يعني لو المرا مو بنص عقل
ما كانت بتتحمل الرجل
ولو عقلا نفس عقل الرجل هههه
معناها على الدنيا الســـــــــــــلام
.....
اذا كنتو طالبات جامعيات
يمكن تكون وحدة غير متعلمة
افضل من طالبة جامعية
لاتفكرو غلط
نحنا ضمن الاحترام والاخوة

دمعة مافي واحد بالدنيا بيقدر يقيم نفسه بالشكل الصحيح
لان رح ينسى اشياء كثيرة ويمكن يتجاهلها
اذا كانت البنت طالبة جامعية او غير متعلمة
مستحيل الشخص يعتمد عليها بالقدر الكافي
لان البنت العاطفة عندا بتطغي على عقلا
فــ بالرياضيات والهندسة
وكل علوم العالم
عاطفة المرأة تتغلب على عقلها
وبالتالي
حسب نظرية تالس
ووووووووووو........ والخ
المرأة بنص عقل
السبب ...
لان عاطفتها تتغلب على جزء كبير من عقلها

لا تزعلي مني اذا قسيت على المرأة بالكلام
بس في نقطة هامة هامـــــــــة
مو كل النسوان متل بعض
يعني يمكن عقل مرا يوزن بلد
اسف على الاطالة
مع اني ما اكتفيت

خلصنا عاد والله هالحكي عم يشوه صورة الانثى في عيون أي شخص
والمتاهة يلي هلأ انت فوتتنا فيها مفهومة تماما شو القصد منها
يعني رجعنا للتجريح والاستخفاف بالآخرين
وجعني راسي من هالشي
سلاااااااااااااااااااااااااااااااامااااااااااااااااااااااات للجميع

هون المشكلة
من الصعب
الاتفاق بالاراء
فبفضل نسكر النقاش
لصالح الفريقين
بالتعادل

ليش مين قلك في حدا بيطبق عقلو عالتاني
الله خلق أخين بس ما خلق طبعين
..........................
مو بالضرورة يتسكر النقاش
خلينا نشوف آراء باقي الاعضاء يلي إلن زمان ما بينو
بس بدنا نصبر ليدخلو المنتدى ويشوفو الموضوع

معناها
بس يصير موسم قصاص الارانب
لان هجرو المنتدى
ليش رح يتناقشوا مع بعض
دققي اختي دمعة بالمواضيع
بتلاق اكتر الردود
مشكور
مشكورة
مشاركة جميلة
يعطيك العافية
اوتناقشو شوي وتركو الموضوع بدون نهاية