يمه ..... يمه

يمه ..... يمه ,

يمه ......

لما تتكاثر همومي ... وابقى في حال ماهو زين
والحزن يشرب دموعي والوجع جواي مكين
والزمان يشتد عبوسو ..... والأسى جواي دفين
تشرقي يا أمي انتي ...... والصباح جواي .. يبين
وانسى آلامي وعذابي ........ وكل أوجاع السنين
وولدك الغريد يغني ........ أحرف الريد والحنين

لما أهجد في ليالي الغربة ... واتذكر صباحي
ريحة القهوه ودعاشه ..... وانا بين نايم وصاحي
تجيني يا يمه وتقولي جبت ليك الشاي ياصباحي
وصحي اخوانك معاك قومو..... هيا على الفلاح
تنسكب عبراتي لوعة وليلي يسمع في نواحي

تاني وين يا يمه القى ....... الحنان الكلو صافي
وتاني وين ....... القى الصباح ..... الزيو مافي
وتاني كيف القى السعادة بين دموعي واعتكافي
تاني كيف .. يا يمه اسعد .... وانتي مافي
وتاني كيف يا يمه أفرح .......... وانتي مافي
وتاني كيف يفارقني حزني .......... وانتي مافي
ووين يا يمه تاني ........ ذلك الزمن الخرافي

العذاب يا يمه طاويني لخبط لي .... حياتي
وتاني بعدك مافي غير..... ابتهالاتي وصلاتي
تسعدي يمه وتجيكي ....... ابتهالاتي وصلاتي
في الجنان يا يمه انتي وبيكي يمه دوام بهاتي
وبيكي ..... يمه .... دوام ...... بهاتي
وبكي ... يمه ..... دوام ....... بهاتي

موني