هيك صار!!!

من طرف **لوليتا** الأحد يونيو 27, 2010 4:33 pm

مرحبا أصدقائي
الموضوع الي قدامكن هو عبارة عن قصة قصيرة لحدث مضحك صار معكن
كل واحد من الأعضاء يكتب قصة طريفة ومضحكة صارت معو

أتمنى التفاعل

من طرف **لوليتا** الأحد يونيو 27, 2010 5:52 pm

رح أبدا أول شي
أنا متعودة لما بنزل عالشام أنزل مع بابا
يعني ولامرة فتت عالكراجات
المهم أول يوم بنزل فيه عالجامعة وقفت سيرفيس وطلعت طبعاً مع مجموعة من رفقاتي مشان يدلوني عالطريق
نزلنا بالكراجات طلعنا - برامكة ، مزة جبل - وصلنا باب كلية الحقوق وكان كل شي تمام
صار وقت الرجعة
رفقاتي قالولي المكان مابضيع بس تشوفي قفص على بابو شرطة بتفوتي وبالآخير بتلاقي سرافيس ضمير
قلنالن ماشي
نزلت من على الجسر وبديت دور عالقفص يمين ويسار ، شمال وجنوب وماكان هالقفص يشوفني
وقفت عند الإشارة وأنا عم دور طبعاً ماخليت حدا ماسألتو
شي يقلي لقدام شوي وشي يقلي لورا
اتصلت بـ بابا ونص ساعة عالموبايل وهو عم يدلني وماكنت أعرف مع إنو كان قدامي
عليتلو قلبو وعصب مني بس ماكان فيه يفصل الخط بوجهي لأنو بيعرفني مارح أسأل مرة تانية ورح استناه يجيبني
بس والله راسي صار يغلي من الشوب
المهم لقيت سيرفيس عليه لافتة - ضميــــــــــــــــــر - أشرتلو
ولو الشوفير مو ضميري بس بيشتغل عالخط
نزل ودلني على مكان السرافيس..الله يجزيه كل خير
رجعت عالبيت لو كل شي بيقربني عم ينتظرني عنا بالصالون ليعرفوا كيف ضعت بالكراجات
والله ياجماعة يوم تاريخي
ومن وقتا حافظة طريق الكراجات متل اسمي

من طرف **المتيم** الأحد يونيو 27, 2010 9:07 pm

ههههههههههههههههههه

الحمد عالسلامة آنستي..
المهم وصلت بخير..
آنستي...هلأ الكل صار بيعرف وين كراج الضمير و وين سرافيس الضمير..
بتدخلي على الكراج ما بتسمعي حس أبدا..
بس بتسمعي صياح و ضحك شوفيرية الضمير...و الله بموتوا من الضحك..

و مرة تانية الحمد لله عالسلامة..

من طرف **لوليتا** الأحد يونيو 27, 2010 11:33 pm

الله يسلمك يامتيم
بس والله أكلت نهاااااااااار غيييييير شكل

من طرف الليدي الإثنين يونيو 28, 2010 2:17 am

أي والله بتذكر القصة
والله يالولي إنت نهفة مع قصصك وهي ولاشي
بس لوتشوفو منظرا
وكلو كوم وقصة الجزمة كوم تاني
بتبقى بتحكيلكم اياها هيي
هههههههههههههههههههههه

من طرف **المتيم** الإثنين يونيو 28, 2010 4:30 am

هههههههههههههه
اوك نحن بانتظارها...

من طرف الليدي الإثنين يونيو 28, 2010 4:33 am

اي هالله هالله لسا ما شفتوا شي من النهفات اللي بتصير معنا
الايام جايي
بكرى بتعرفوها
بس بدنا مشاركة من الكل

من طرف **لوليتا** الإثنين يونيو 28, 2010 10:26 pm

شو وييييييييي القصص؟؟

من طرف الليدي الخميس يوليو 01, 2010 3:25 am

هههههههههههههههههههه هاااااااااي

ما رح اقدر بلش حكي بالقصة بدون ما اضحك اعذروني

هي يا سيدي مرة من المرات كنا بسوق الحمدية بالشام انا ولولي واولاد خالتي وبنت عمي وبابا
كنا بالصف التاني انا وبنت عمي وابن خالتي اكبر مننا باربع سنين ولولي بسنتين هي وبنت خالتي
المهم وقفنا عند محل ببيع اكسسوارات وهيك شغلات وكان بابا عم يسلم على واحد زلمي بيعرفو
وبينما كنت انا مندمجة ومنبهرة بالاكسسوار والتحف بعمل وراء در وما بشوف حدا من اللي كانوا معي
وعيينكوا ما تشوفوا اللي صار
ههههههههههههههههههههههههههههههههههههههههه
رحت وقعدت على الرصيف مقابل المحل وبلشت متل الافلام الهندية على بكي وزعيق بدي ابي بدي اب
وخدوني لعند ابي
وفجأة بيطلع بطل القصة وهو زلمي كدع والله بيمسكني من ايدي وبقلي شوبك عمو شوفي؟؟؟
انت ضايعة؟؟؟ وهو قلي هيك وانا زدت بكي وفرجت سوق الحمدية عليه
بعدين اجى الشرطي لانو هو في خدمة الشعب وعلقت هادا بشدني من اليمين وهادا من الشمال
قمت تركتن ومشيت واجى ورايي الشرطي وقعد يسألنب اسئلة على شو لابس البابا
وكيف شكل ابابا والاحلى من هيك اني ماكنت حافظة رقم الموبايل وبلشنا نلف وندور بهالسوق وصلنا لاولو وما شفنا حدا
والاحلى انو بابا ما انتبه اني ضايعة الا لما قطع مسافة منيحة والشباب اللي معو كانوا مشغولين
وبابا عم يعيط ويصيح وينادي عليي باخر السوق
وانا واقفة اول السوق عم استناه
هههههههههههههههههههههههههههههه
المهم عدت ادراجي والتقيت بوالدي وسط جمهور حاشد وكبير
وزقفولنا قال وقت لقاني وقعدت ابكي انا وبابا
وشو اقول لبابا بدك تقتلني شي؟؟؟؟؟
هههههههههههههه
فصارت الناس تضحك بنص اللقطة المؤثرة

بس بالنهاية انا اللي كسبتا تبهدلوا اخواتي وولاد عمي وخالتي
وتغدينا بابو العز ةراضوني وصاروا يهتموا فيني اكتر

ومن وقتا لهلأ ما بضيع بالحميدية ابدااااااااااااااااااا

وهيييييييييييييييك صااااااااااااااااااااااااااااااار

ههههههههههههههههههههههههههههههههههههههههههه

من طرف **المتيم** الخميس يوليو 01, 2010 7:01 am

تسلم هالضحكة أختي..
الحمد لله على سلامتك...
معك حق انو تضحكي بأول القصة..
ههههههههه
الحمد على سلامتك..
و بانتظار مواقف تانية..

من طرف **لوليتا** الخميس يوليو 01, 2010 12:40 pm

والله ماطلعت غير براسي
مع إنو وقتا كان الحق على ابن خالتي
بس .........خليني سااااكتة
هههههه

من طرف الليدي الخميس يوليو 01, 2010 5:04 pm

ههههههههه
اهل بالمتيم
ونحنا عم ننتظر شي من مواقفك انت والاعضاء
بس والله لسا في كتيييييير
لول صح الحق على ابن خالتي
بس كان لازم تمسكيني مو انا اختك
ههههه

من طرف **المتيم** الإثنين يوليو 05, 2010 1:38 am

يا جماعة..
أولا..صباح الخير..تاريخ كتابة هذا الرد هو الثانية و النصف من صباح الاثنين...الموافق لــ 5\7\2010

كنت ألعب في صفوف نادي الضمير الغالي..و مازلت..و ضمن منافسات كأس الجمهورية أوقعتنا القرعة مع نادي السد الرقاوي..و قد تغلبنا عليه في دوما بخماسية مقابل أربعة اهداف..و بعد أسبوع سافرنا إلى الرقة لنلعب مباراة الإياب في ملعب الباسل بالرقة..بدأت المباراة وكنا قد أحرزنا هدفا مبكرا..و بعدها تعرضنا لغزو رهيب..أثمر عن تلقينا أربعة اهداف..
الأمر المضحك من هذه القصة..هي أنه وفي الدقيقة الرابعة و التسعين احتسب الحكم ضربة حرة مباشرة للسد..
طبعا أنا وقفت ضمن حائط الصد ليستفاد من طولي..
و على بغتة من أمري..سدد لاعب السد الكرة..و إذ بها ترتطم في وجهي..أذكر أنني ماعدت أرى شيئا سوى نجوم صغيرة و ضباب..
المهم..و في نفس اللحطة أنهى الحكم المباراة..
أتى اللاعب ليعتذر مني..أنا نظرت إليه وقلت له.......................
شتمته بكل الشتائم المتعامل بها في الضمير...
و هو راح يضحك..طبعا فهو منتصر برباعية..و أنا وجهي مثل الدم..و عيناي كانتا تؤلماني..
و في طريق العودة.. و على الرغم من الخسارة إلى أن أعضاء الفريق فرحون..و يغنون ويلعبون ورق الشدة..و أنا كنت قد اتخذت الكرسي الذي في آخر الباص..و اضعا يدي على عيني و على وجهي المتورم..

من طرف العاشق الإثنين يوليو 05, 2010 1:47 am

هههههههههههههههه
قلتلي على وجهك ؟؟؟
أنا بعرف غير هيييييييييييييييييك معلم
هههههههههههههه
فهمك كفاية

من طرف **المتيم** الإثنين يوليو 05, 2010 1:50 am

حرام عليك يا مان
الطابة علمت على وجهي..
هههههههههههههه
في الروحة كنا عم نغني..
و في الرجعة انا كنت حزين...
اجو صوروني..و انا كئيب..و فضحوني..
يا رجل الطابة كانت سرعتها 200 كم بالساعة..ما شفتها غير هوب بخلقتي..

من طرف العاشق الإثنين يوليو 05, 2010 1:56 am

هههههههههههههه
بس 200
سيدي سلامة خلقتك
هههههههههه
شو مشان خلقتك طمني
طبعا أنا وقفت ضمن حائط الصد ليستفاد من طولي..
ما يبلى هالطوووووووووووول
قلتلي بخلقتك
ههههههههههه

من طرف **المتيم** الإثنين يوليو 05, 2010 1:59 am

هههههههههههههههههههههههه
يبعتلك الهنا...

من طرف **لوليتا** الإثنين يوليو 05, 2010 2:23 am

هههههههههههههههه
لا تعلييييييييق

من طرف **المتيم** الإثنين يوليو 05, 2010 2:24 am

المهم....

وفي نهاية المباراة..
أبى الضمارنة أن يرجعوا إلى أرض الوطن خالي الوفاض...
ففكروا..ما الحل..؟؟و أتى الجواب على يد الجيشاوي..الذي وجد إبريق شاي ممتلئ و معه ستة كؤوس شاي..فماذا فعل؟؟
فتح حقيبة احد اللاعبين و وضع الغنيمة...و لكنه شرب كأسا من الشاي..و لأنه مزعوج على النتيجة قام بكسر الكأس بعد أن انتهى من شربه...
المهم رجعنا إلى الضمير و معنا غنيمة جيدة..لأننا(((الضمارنة))) لا نحب الخسارة أبدا...

من طرف ???? الإثنين يوليو 05, 2010 1:47 pm

هههههههه
سلامات متيم

من طرف **المتيم** الإثنين يوليو 05, 2010 3:37 pm

تسلم هالضحكة باشا...
الله يعافيك..و يسلمك..

من طرف الليدي الإثنين يوليو 05, 2010 7:03 pm

ههههههههههه هااااي
يا حراااااام
معافى والله صعبة
ههههههههههههههههههههه
عم اتخيل منظرك ههههههههه

من طرف **المتيم** الإثنين يوليو 05, 2010 7:53 pm

تسلم هالضحكة اختي..
و الله يعافيك..

من طرف شبح الليل الأربعاء يوليو 28, 2010 2:11 am

في الشاااام...

وقت كنت مع المتيم الله يبعتلو الهنا رحنا على مطعم 3\4 صبايا
المهم اكلنا و شربنا وانبسطنا وهيصنا
رحت لودي كاسات الشراب و ابو سليم صار يلهيني
انا رجعت الكاسات للمعلم و ابو سليم هلكني وهو عم يحكيني و لما التفت اليه هوووووب عضاضة عرضها مترين لزقت بوجهي و ابو سليم فرط من الضحك
وعمل حالو ما بيعرفني
وهاااد كل شي

من طرف **لوليتا** الأربعاء يوليو 28, 2010 2:22 am

ههههههههههههههههههههه
سلامتك سلامتك
هههههههههههههههههههه Laughing

من طرف **المتيم** الأربعاء يوليو 28, 2010 5:13 am

شو مشان المطعم يللي 3\4 صبايا
الله لا يفضح حدا
كان في عجوز مكحكحة قولة واحد بعرفو
و في وحدة اجنبية عمرها يمكن 102 سنة
وبعدين شو عضاضة مترين شو مترو انفاق هي
العضاضة عبارة عن قضيب معدني لا يتحاوز ال40 سم
الله يسامحك
بس انت كنت متلهف للكمبيوتر الجديد

على كل سلااااماااااات

من طرف الليدي الأربعاء يوليو 28, 2010 5:21 am

هاهاهاهاهاهاهاهاااااااااي
طمنوني العضاضة شو صار لها
على فكرة نفس الموقف صار مع المديرة بس مو بعضاضة بالباب
ههههههههههههههههههههه
Laughing

من طرف شبح الليل الأربعاء يوليو 28, 2010 8:29 pm

الحمد لله مضت على خير وشكرا لتفهمكم

من طرف **المتيم** السبت يوليو 31, 2010 1:45 am

مرحباااااااااااااا

القصة 1
المكان الضمير
في معسكر التدريب الجامعي

يا شباب و يا صبايا

و بينما نحن في نوم عميق يقوم أحد أصدقائنا بإعطاء أمر إلى العامل في الإذاعة مفاده أن هناك اجتماع للسرية رقم 5 التي هي سريتنا...
و الساعة كانت تتجاوز الواحدة صباحا..بعد منتصف الليل..
استنفرنا و بالفعل لبسنا و ذهبنا إلى الاجتماع و إذ بالأمر كله كذبة و مزحة من قبل صديقنا...
هو من القامشلي..قصير القامة..بمجرد رؤيته تموت من الضحك..
له قدرة عجيبة على إضحاك الآخرين...

استيقظ العقيد الذي يدربنا و فزع مما رآه...
و قال لنا ما الأمر؟ ولم أنتم هنا؟
و كنا نسأله نفس السؤال
و قال بما أنكم استيقظتم فسوف نلهو قليلا...
و آآآآآآآآآآآه على اللهو الذي قصد به
زحف و كواع و ركب و بطة و قرفصاء
و عربة رومانية
والناس على وشك أن تموت من النعس...
و بعد أن تبينا الفاعل .......

و هذه قصة أخرى...................

شكرا....

من طرف **لوليتا** السبت يوليو 31, 2010 1:49 am

هههههههههههه
خرجكوووووووا
سبحان الله (كل قصير مابيخلا من الفتن)

من طرف **المتيم** السبت يوليو 31, 2010 1:53 am

تسلم هالضحكة آنستي..
ولسا ياااااما قصص

من طرف الليدي الأحد أغسطس 01, 2010 3:07 am

هاهاهاهاهاي
الله لا ......؟؟؟
لول " وكل طويل لا يخلى من الهبل "

من طرف العاشق الأحد أغسطس 01, 2010 3:10 am

هههههههههههههههه
الله عليك ياأبو القصص أنت .......

من طرف **المتيم** الجمعة أغسطس 13, 2010 2:08 am

اسكندر الكبير و كيف اصطدمت به دراجة نارية..

يا جماعة كنا راجعين من مباراة كرة قدم كانت في المدرسة النسوية الفنية في الحي الغربي
المهم نحن راجعون و قد أغلقنا الطريق تمام
و إذ بأحد اللاعبين كان راجعا إلى بيته بدراجته النارية و أحب أن يمازحنا..
وعندما اقترب منا الكل ذهب يمينا إلا اسكندر الكبير ذهب شمالا لتصطدم به الدراجة النارية
هو لم يصبه شيء البتة و لكن الدراجة راحت تصيح و تستريح و صاحب الدراجة كان قد لحقه بعض الأذى ... والحمد لله أتت سليمة..

من طرف الليدي الجمعة أغسطس 13, 2010 11:37 am

هاهاهاهاهاهاهاهاهاهاهاهاهاهاهاهاهاهاي

يا حرام الحمدلله
سلامات انشالله

من طرف **لوليتا** الجمعة أغسطس 13, 2010 12:07 pm

هههههههه
حكيلنا موقف صاحب الدراجة

ياحرام
سلامتو
هههههههههه
بس كيف هي؟؟؟؟؟؟؟
الدراجة اتطبشت واسكندر...

من طرف **المتيم** الجمعة أغسطس 13, 2010 5:49 pm

بالنسبة لصاحب الدراجة
كاد الدمع ينفذ من عينيه
فكيف سيدخل البيت و الدراجة في حالة مزرية
و هي لأبيه و ليست له
و صار يشكي و يبكي حتى قمنا و تبرعنا له مبلغ لإصلاح الدراجة وإعادتها إلى سابق عهدها
و اسكندر كان يريد أن يضرب صاحب الدراجة على هذه المزحة

من طرف **لوليتا** الجمعة أغسطس 13, 2010 5:55 pm

فوق حقو دقو
ههههههههههههههههه

من طرف **المتيم** الجمعة أغسطس 13, 2010 5:56 pm

شوي و كان ضربوا

من طرف **المتيم** الجمعة أغسطس 13, 2010 5:57 pm

اسكندر الكبير و كيف اصطدمت به دراجة نارية 2

من طرف اسكندر الكبير السبت أغسطس 14, 2010 2:26 am

القصة مزعجة لي
كنت أنا ورفيقي عم نتمشى بالليل شي الساعة 12
راجعين من السهرة
وقت كنا ماشيين سمعنا صوت دراجة نارية قوي قادم
باتجاهنا وكلمالو هالصوت يقوى يقوى حتى اصبح قريب مننا
فنظرت الى الوراء بلمحة بصر فكانت الدراجة ورائنا
فقمت بلا شور بدفش رفيقي وارطتمت الدراجة بي
فصحت ذاك الصوت يلي وصل لاخر الدنيا
فبرمت بالارض شي خمس برمات او اكثر مابعرف
ووقعت الدراجة على الارض ايضا
ولوووووووووووووووووو ماتشوفو ذاك المنظر
اصيبت قدمي اليمنى برض ووجهي يلي صار كلو دم
قد البطيخة من الورم وحملونا الى الدكتور بالسيارة
انا وصاحب الدراجة فقطب وجهي بعشر قطب وقدمي
بأربع قطب ايضا واسفل قدمي بقطبتين وياحزركو
مين طلع صاحب الدراجة طلع رفيقي وياحرااااااااااااام
لو تشوفو هداك المنظر اووووووووووووووووه

من طرف **المتيم** السبت أغسطس 14, 2010 2:31 am

ههههههههه
الصوت وصل للمزة اسكندر

معافى حبيب
وصورتك وقتها انا كم صورة و نزلتن على الفيس بوك
بس بعدين محيتن

سلامات ابو حسين سلامات

من طرف **المتيم** السبت أغسطس 14, 2010 2:33 am

اسكندر حكيلن على بحيرة السيقل و سمكة القرش اللي عضتك

من طرف الجيشاوي السبت أغسطس 14, 2010 8:24 am

شو اسكندر وقت فات فيك من ورا رفيقك كل ضمير سمعت صوتك وأنت عم تتوجع وبالعلامة مطرح الزق لهلق معلم وأدا حابب أصورلك ياه أنا جاهز.....

من طرف الجيشاوي السبت أغسطس 14, 2010 8:28 am

أي مشان بحرة السيقل لك بشرفك في بني أدم بتسبح ببحرة فيها حمار ميت....

من طرف **لوليتا** السبت أغسطس 14, 2010 11:49 am

ههههههههه
سلمات اسكندر
بس شو قصة البحرة والحمار الميت؟
Laughing

من طرف الليدي السبت أغسطس 14, 2010 2:24 pm

هاهاهاهاهاي
خخخخخخخخهخهخهخه

والله قصة
معافى صديقي
بس لول وانت كمان امانة تحكي قصة الهوية

من طرف **لوليتا** السبت أغسطس 14, 2010 7:56 pm

ههههههههههههههههههه

قصة الهوية:
هي مرة كنت رايحة طالع جواز سفر مشان سافر على المملكة
المهم رحت تصورت وزبطت أموري وعالـ 24
فتت لعند الضابط قلي عطيني هويتك والصور..ماكذبت خبر وعطيتو
طلّع الضابط على صورة الهوية وعلى الصور اللي كنت متصورتن جديد وعليي وبكل تعجب قال:
غير مطابقة!!!!!!!!!!!!!!!!!!!!! affraid

قلتلو: شووووووووووووووووووووووووووووووو
قال غير مطابقة قال
قلي طيب روحي لعند العميد
والله حملت حالي ورحت لعند سيادة العميد
لسا ماشاف صورة الهوية قلي:
غير مطابقة
قلتلو : أحسن
والله ياجماعة شككوني بشخصيتي للحظة!! Embarassed

المهم قلنالن والحل ؟؟؟قال بدك اخراج قيد
أنا رجعت ع ضمير وبوجهي عالبلدية
والله يخلينا أبو محمد خلال 10 دقايق كانت الورقة جاهزة بس بدا روحة ع المخفر
رحنا عالمخفر ومابعرف شو ساووا وقتا
بس أنا ماطالعت جواز السفر من قهر منن scratch

ورحت كسرت هويتي وطالعت هوية جديدة.... ومن يومين استلمتا
ههههههههههههههههههههههه
ياحرام خالتي كانت معي والتانية عطلولا شغلا قال شو: مومكتوب بالهوية مكان الولادة Laughing

بس اللي كسبا ماما
جددت جوازا مع إنوكانت رايحة بس مرافقة......... Exclamation

وهاااد اللي صار رحنا عالفاضي

من طرف **لوليتا** السبت أغسطس 14, 2010 7:59 pm

بس بدكن الصدق
صورة هويتي القديمة كانت بتفقع ضحك