كلمات أغاني العندليب الأسمر

يا خلي القلب

يا خلي القلب يا حبيبي يا حبيبي لو في قلبك قد قلبي حب
ياحبيبي ياحبيبي لو بتكوي النار نهارك لو بتسهر زي ليلي
لو صحيح بتحب كنا نحضن حبنا ونبعد بعيد بعيد
عن عيون الدنيا عن كل العيون لو في قلبك قد قلبي حب

كنا نمشي الف ليله وليله ليلي ونهار لما نوصل نجمه
مالهاش اي جار والا ندخل لؤلؤه في ابعد بحار يا خلي حبيبي
القمر خدنا على موجة قمر فوق الصحر والسما والبحر والليل والوجود
فوق عيون الناس فوق جبال الخوف وفوق كل الحدود

القمر خدنا القمر لجزيره ابعد من الخيال لا شافتها عين ولا مرة في بال
يا حبيبي وصلنا فوق بر الامان افتح البيبان لقلبك ولشبابك ولحبيبك ابعد
الخوف عن رموشك اوعى شيء في الكون يحوشك غني ارقص اجري
اجري اجري اظحك قول بحبك وانت كل الدنيا مهما تكون غير عيوني

عيون حبيبك ما تشوفكش عيون يا حبيبي
شوفت واخداني الاماني لحد فين شوفت بحلم بحلم قد ايه يرضيك
نحب الحب ده ونعيش بعاد بالشكل ده عايزه احبك حب مالي كل لمحه
من وجودك عايز احس ان ابتسامتك دمعتك فرحة شبابك لون خدودك
عايز احس اني حبيبك ولهيبي يصحي لهيبك ياحبيبي

جانا الهوى جانا .. ورمانا الهوى رمانا
ورمش الأسمراني .. شبكنا بالهوى
آه ما رمانا الهوى ونعسنا .. واللي شبكنا يخلصنا
دا حبيبي شغل بالي .. يا با شاغل بالي
يا راميني بسحر عنيك الاتنين .. ما تقوللي واخدني ورايح فين
على جرح جديد والا التنهيد .. والا على الفرح موديني
أنا باسأل ليه واحتار كده ليه .. بكرة الأيام حتوريني
خلينا كده على طول ماشيين ..
ما رمانا الهوى ونعسنا واللي شبكنا يخلصنا ..
دا حبيبي شغل بالي ..
عدينا يا شوق عدينا .. على بر الهوى رسينا
دنا عمري معاك .. وهوايا هواك
زوق يا نسيم خطاوينا .. ويا نجوم السما ضمينا
وخدينا بعيد وحدينا ..
وخلينا كده علي طول ماشين .. آه ما رمانا الهوى ونعسنا
واللي شبكنا يخلصنا .. دا حبيبي شاغل بالي
طوحنا يا هوى يا هوى طوحنا .. وأمانة ما يوم يا هوى تجرحنا
وتقربنا ما تبعدنا وتفرحنا بحبايبنا .. وإن خدنا الشوق ريحنا
خلينا كده على طول ماشين ..
ما رمانا الهوى ونعسنا .. واللي شبكنا يخلصنا
دا حبيبي شاغل بالي.. آه يابا شاغل بالي

الله عليك يا كبير

خليتني حط الغناية
واسمعها

ولك وحشتني يا قلبي

كامل الأوصاف فتنـِّي
والعيون السود خدوني
من هواهم رُحْت أغنـِّي
آه يا ليلي آه يا عيني
يا ليل
العيون السود .. رموشهم ليل
ليل بيحلم باللي غايب
والعيون السود .. خدوني
آه يا قلبي ياللي دايب
علـِّموك تسهر تغنـِّي
علـِّموك شوق الحبايب
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدوني
قالوا الصبر .. بحورُه بعيده
قالوا شفايفـُه .. نايات بتقول تنهيده
وسهرت أستنـَّى
والنجم معايا
دوِّبني ودُبْنا
في عيون نسَّايه
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدوني