مين غيري ليه ...هاني شاكر

من غير ليه
جايين الدنيا ما نعرف ليه
ولا رايحين فين
ولا عايزين ايه
مشاوير مرسومة لخطاوينا
نمشيها فى غربة ليالينا
يوم تفرحنا يوم تجرحنا
واحنا ولا عارفين ليه
وزى ما جينا ومش بايدينا جينا
زى ما رمشك خد لياليا
وحكم وامر فيها وفيا
ولقيت بيتي بعد الغربة
وقلبك ده وعيونك ديه
ولقيت روحي فى احضان قلبك
بحلم واصحي واعيش على حبك
حتى فى عز عذابي بحبك
عارف ليه من غير ليه
آه يا حبيبي بحبك
ياللى زماني رماني فى بحر عينيك
وناساني وقاللى انساني
بحر عنيك يا حبيبي غريق
لكن فيه احلى ليالي زماني
توهت وتاهت دنيتي مني
بين افراحي وبين اشجاني
دنيتي غنوة لا تنهيدة لا
لا شئ تاني دنيتي حبك
حاجة حاسسها حاجة لامسها
لكن ولا اوصاف ولا اوصاف توصفها
واحلم لو غمضت عينيا
احلام حلوة كتير
وردية فيها عيون وخدود وشفايف
بتطير بيا فوق لياليا
اما بشوفك بلقاك احلى من الاحلام
كل الاحلام ياللى عينيك سهرت الدنيا
ورمشك حضن السحر ونام
وده ليه يا ترى
يجرالي اللى جرى
واما بفكر اسقيك اكتر ما بتسقيني الحب
ليالي الحب مالقاش فرحة جت على بالي
الا وحبك فرحهالي
وزى ما جينا ومش بايدينا جينا
زى ما رمشك خد لياليا
وحكم وامر فيها وفيا
ولقيت بيتي بعد الغربة
وقلبك ده وعيونك ديه
ولقيت روحي فى احضان قلبك
بحلم واصحي واعيش على حبك
حتى فى عز عذابي بحبك
عارف ليه من غير ليه
آه يا حبيبي بحبك
حبيبي آه يا حبيبي
كل ما فيك يا حبيبي حبيبي
شعرك ليلي وجبينك قمري
حبك رحلة عمري يا عمري وقدري
ليلي حلي عمري
وكل شئ فى الكون حلي
لكن هناك تنهيدة
من القلب اللى من الخوف
مخفي وقول يا فرحة اتمهلي
واتهمهلي واتهمهلي
ده المبتلي بالحب
مهما اتهني بردو مبتلي
خايق طيور الحب تهجر عشها
وترحل بعيد
خايق على بحر الدفا
ليلة شتا يصبح جليد
خايف لبكرة يجينا
ياخدنا من ليالينا
سكة عذاب تاه فيها احباب
احباب كتير قبلينا
عارف كل الخوف من بكرة ده ليه
يا حبيبي عارف سر عذابي وحيرتي
ده ايه يا حبيبي
علشان انت الروح
والدنيا اللى بعيش فيها
وانا من غيرك كل حياتي
تضيع بعديها
وزى ما جينا ومش بايدينا جينا
زى ما رمشك خد لياليا
وحكم وامر فيها وفيا
ولقيت بيتي بعد الغربة
وقلبك ده وعيونك ديه
ولقيت روحي فى احضان قلبك
بحلم واصحي واعيش على حبك
حتى فى عز عذابي بحبك
عارف ليه من غير ليه
آه يا حبيبي بحبك
مش معقول يا حبيبي يا حبيبي
ابداً مش معقول
القدر اللى هاداني لحبك
يوم من الايام يبقى عزول
مش معقول حبنا يا حياتي
يقدر يقسى وينسى احبابه
بعد ما كنا فى حضن اللقى
نرجع تاني نقف على بابه
روح يا حزن روح اوعى تقرب لينا
ده احنا حبايب حبنا مهنينا
والحب روحنا وارضنا وسمانا
ويا حزن قولي منين بقى هتجينا
على بيتنا بالحب قلوب متجمعة
على بابنا شجرة ورد حلوة مفرعة
على كل شباك الف شمعة مولعة
ويا حزن قولي منين بقى هتجينا
روح يا حزن روح
اوعى تقرب لينا ده احنا حبايب
حبنا مهنينا
والحب روحنا وارضنا وسمانا
ويا حزن قولي منين بقى هتجينا
يا عيون قلبي يا احلى عيون
يلا نعيش وكفاية ظنون
يلا نخلي عمرنا كله ليلة
بعيدة عن الحرمان عن الاحزان
وان لام حد علينا نقوله
لولا الحب ما كان
فى الدنيا ولا انسان
**********