المرأة المطلقة ونظرة المجتمع لها؟؟؟؟؟؟؟؟؟؟؟

لماذا تشير اصابع الأتهام الى المرأة المطلقة؟؟
ولماذا دائماً تحاط بهالة من الأشاعات والأقاويل ؟؟
ولماذا تحسب عليها تصرفاتها وحركاتها وسكناتها؟؟
إن اي امرأة في هذا العالم إذا لم تحمي نفسها وتحارب الأفتراءات التي تعترضها،
وتتصدى لها بدينها ومبادئها، وتترجم تعاملها بسلوكها واخلاقها، فلن تجد من يحميها
ويشفع أو يغفر لها اخطاءها.
فلماذا تتردد وتخاف؟؟ وممن، ما دامت لاتفعل ما يغضب الله؟؟
لماذا يستنكرون عليها السعادة لو وجدتها مرة أخرى؟؟
إن لبعض الناس عيوناً لا ترى ألا المظاهر. فبداخلهم قلوب تحقد وعقول
تحاسب وتتلاعب بهموم الآخرين، لآن نظرتهم غير منطقية ولا واقعية
تفكيرهم ظالم وليس عادلاً، احساسهم قاسي من غير رحمة.
إن المشكله تكمن في نظرة المجتمع للمطلقة. فهو يرى انه الوصي عليها
فهو من يحاسبها ويحكمها، وليس الأهل فقط من يمتلكون هذه الميزة.
كما انها ليست حرة نفسها، حتى داخل بيتها عليها قيود لا يمكن ان تتعداها
فهي لا تعيش تحت سلطة رجل، وانما تحت سلطة المجتمع.
وياليتهم يشعرون بأنها تعيش تحت رحمة خالقها ويفهمون بأنها بشر
وليست سمكة سهلة الصيد في زمن كثر فيه عدد الصيادين البارعين
بل هي إنسانة تألمت في حياتها ولم تنل حظها من السعادة
فلذلك لن تجري وراء اي سراب او وهم.
فلماذا الظن؟؟ والظلم؟؟ والشماتة والتهكم؟؟
امطلوب من اي مطلقة أن تقدم كشف حساب عن سبب فشلها
وإذا لم تفعل بدأوا بتوجيه الأتهامات فبالتأكيد أنها أمرأة لا تعاشر ولا تطاق
او انها امرأة سيئة المعشر، او انها غير اجتماعية ولا تفهم في اصول البروتوكول
او انها غير متعلمة وجاهلة بأمور الحياة، او انها جاحدة وناقمة؟؟
وفي كل الأحوال، ولأي سبب من الأسباب لن يوضع اسمها ضمن قائمة
بنات الرجال لأنها لم تتحمل ولم تصبر ولم تضحي.
التضحية ما اسهله من لفظ ولكن من منكم يا معشر الرجال قد نفذ هذه
التضحية في حياة يرفضها ويستحيل العيش فيها ولو فعل ذلك فبالتأكيد
لأنه يعيش حياة أخرى وهذا ما لا تستطيع المرأة فعله في حياة ترفضها.
إن الزواج عبارة عن ارتباط بالعقل والشخصية، وليس حياة كل طرف
في واد بعيد عن الآخر، الزواج عطاء بين اثنين وليس استيلاء على كل شيء.
إن الله خلق المرأة والرجل ليكمل كل منهما الآخر. فإذا لم تنجح الزوجة في
أن تجعل زوجهامعها بعقله وفكره وقلبه وكيانه، وفشلت في ذلك
اترضى ان تعيش على هامش الحياة مسلوبةالإرادة حتى لا يقول عنها
المجتمع بأنها امرأة مطلقة؟؟
دمتم سالمين ...

يمكن مشان تعمل جهدها المرأة المتزوجة على الحفاظ على بيتها وزواجها
ولو مو قادرة على الحفاظ عليهم فبيت اهلها اولى فيها "كـ بنت طبعا"

المرأة المطلقة انسانة وفي كتير من النساء مابكونوا مرتاحين بحياتهم الزوجية وبيطلبوا الطلاق بس المجتمع اللي حواليهم بيوقف ضدهم وبتعرفوا الكلام اللي بقولولهم اياه
منشان الأولاد وين بدهم يضلوا ووين بدهم يتربوا كأن جابتهم من بيت أبوها ..وكمان ما بتخافي على سمعتك وعلى اخواتك البنات ماعاد حدا يتقدملهن ومن ها الكلام الفاضي وكأنها عاملة السبعة وذمتها( بعتذر على هالكلام بس هاي ألفاظ مجتمعنا )..
وكمان نادر ما تتجرأ هذه المرأة وتطلب الطلاق ليش؟؟؟؟ منشان نظرة مجتمعنا للمرأة المطلقة على أنها مرتكبة شي جريمة ومثل ما تفضلتوا وحكيتوا
يا مقصرة بواجباتها المنزلية يا الحياة معها لا تطاق يا....................
أما بالنسبة للرجل فعلى راسه ريشة بكل شي شو ما عمل بقولوا هذا رجال ما بعيبوا شي ونحنا من كوننا من هذا المجتمع لازم نغير نظرة المجتمع للمرأة المطلقة طبعا مو الكل لكل قاعدة شواذ أحيانا بكون بالفعل العيشة مع هذه المرأة لا تطاق بس الأغلب مظلومين من الأهل والزوج وكمان المجتمع ...!
وأنا بطرح أول مشكلة ممكن أنها تخلي الحياة الزوجية جحيم
مجتمعنا معروف بأنه بزوج البنت وهي صغيرة واذا صار عمر البنت 20 22 24 وما تزوجت خلص البنت عنست وبزوجوها لواحد قد أبوها
وهالمشكلة بتخلي البنت ما تعرف كيف بدها تتعامل مع زوجها يعني بالله عليكم كيف اذا تزوجت عمرها 15 أو 16 سنه بدها تتفاهم مع رجل اله متطلبات زوجية وغير هيك أكبر منها بشي 13 14 سنة
الحكي بهالموضوع مابيخلص بس ياريت تردوا عالموضوع كأن بخص كل واحد فيكن
ويااااااااااااااااااااا حسام الموضوع بدو تفكير انت متزوج بس اخلع عباءة الرجولة على جنب ورد من طرف انساني ....ومشكور

شكرا لوليتا كلامك صحيح لازم نعطي كل شي حقه
لما البنت بتعيش طفولتها ومراهقتها وبعدين بتفكر لتأسس حياة زوجية هذا الشي بخليها
تمنح الحب والعطف والحنان لأطفالها ورح تفهم زوجها وتحاول تبني معه حياة زوجية تملأها حب واحترام متبادل بين الطرفين أما اذا كانت طفلة فاذا عصب زوجها من أي شي بسيط رح تكبر المشكلة وتحكي لأمها وأبوها ورفقاتها وكأن الأسرار الزوجية ما لها أي وجود وهيك الحق مو عالبنت لأن هي صغيرة ومابتفهم بهالأمور
وتحملت عناء وهموم ما بتفهم فيها
وكل هذا كوم وأنها تجيب طفل كوم ثاني بس يبكي بتبكي معه وبس يضحك بتضحك معه وما بتعرف كيف بدها تربيه واذا حدا جابله هدية بتغار منه
بصراحة مابعرف شو بدي قول أكثر من اللي قلتوا بس مع هالشي دق المي وهي مي بالسبة لمجتمعنا اللي اسمحولي سميه متخلف

ميريلا
رح اخلع عباءة الرجولة وارد من طرف نسائي
حرااام وجريمة كبرى نظرة المجتمع للبنات
ويا لوليتا عيشي حياتك
وشو زواج حدا بيدفن حالو على بكير
.....
لو يا صبايا فكرتو للحظة بس
الاكل اللي عم تاكلوه والشراب واللباس وكل شي مأمن لكم شو اخد جهد وتعب من اباءكم
في اباء عم تتحمل الاهانة
واباء عم ترضى بالذل ومنهم عم يحمل اكتر من طاقته ومنهم عم ينام برة البيت ومنهم اللي عم يشتغل 18 ساعة ومنهم مين حمل مسؤوليات بتهد جبال
ما كنتم حكيتو
مو المرأة اللي عم تدفن نفسها لوليتا على العكس الرجل اللي عم يدفن نفسه
وبتلاقيه بس دخل البيت وشاف ابتسامة زوجته نسي هم الدنيا كلها
لو كل امرأة حملت مسؤولياتها ( وهي خفيفة على فكرة ) لقمة اكل طيبة وبيت نظيف وابتسامة
اكيد زوجها رح يقدسها
انسي لوليتا شي اسمه مراهقة وفكري بس بالطفولة
وبعدين زواج
وخلي المراهقة مع زوجك
لعب وضحك بالحلال
والله عم نشوف فضائح للبنات شي بيشيب الراس

المرأة التي تقوم بتطبيق الشريعة الإسلامية لأحكام القرآن الكريم وسنة الرسول (ص) ولو كانت مطلقة لن يمسّها سوء..لأنها مع الله .

لوليتا بالفعل الحكي بهذا الموضوع مابيخلص و مثل ماقال الفارس مادامت مع الله فلن يمسها السوء بأذن الله ..بس يا لوليتا بضل الطلاق حلاااااااااااااال