EYE'S LOVE CLUB
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» 1000000 مشاركة
قصة حرب البسوس بطريقة مضحكة Icons35الثلاثاء نوفمبر 23, 2021 4:41 pm من طرف المتيم

» اكسسوارات للعروس
قصة حرب البسوس بطريقة مضحكة Icons35الثلاثاء مايو 28, 2013 12:11 am من طرف لوليتا

»  أعرفي شخصيتك من وزنك
قصة حرب البسوس بطريقة مضحكة Icons35الإثنين مايو 27, 2013 11:56 pm من طرف لوليتا

» سجل حضورك بالصلاة على المصطفى..
قصة حرب البسوس بطريقة مضحكة Icons35الإثنين مايو 27, 2013 11:52 pm من طرف لوليتا

» صور الممثلة المكسيكية maite perroni
قصة حرب البسوس بطريقة مضحكة Icons35الإثنين مايو 27, 2013 10:38 pm من طرف المتيم

» أحذية أطفال
قصة حرب البسوس بطريقة مضحكة Icons35الإثنين مايو 27, 2013 10:34 pm من طرف المتيم

» أسرع حيوان.. مهدّد بالإنقراض
قصة حرب البسوس بطريقة مضحكة Icons35الإثنين مايو 27, 2013 10:33 pm من طرف المتيم

» عطر فرزاتشي للرجال
قصة حرب البسوس بطريقة مضحكة Icons35الإثنين مايو 27, 2013 10:00 pm من طرف لوليتا

» تسريحات 2014
قصة حرب البسوس بطريقة مضحكة Icons35الإثنين مايو 27, 2013 9:56 pm من طرف لوليتا


قصة حرب البسوس بطريقة مضحكة

2 مشترك

اذهب الى الأسفل

قصة حرب البسوس بطريقة مضحكة Empty قصة حرب البسوس بطريقة مضحكة

مُساهمة من طرف الجيشاوي الخميس أكتوبر 14, 2010 8:21 am

والد يقول لأولاده
يااولادي دحين بقلّكم لمن ألتقى الواد جساس بالحونشي داك الي شايف نفسو مرة الي اسمو كليب..

خدو الرواية:

كليب كان ماشي في برحة مرة كبيرة ومافي ناس ولا في احد جنبو .

والواد جساس بصراحة خلبوص شويه وجبان ..لأنو استغل وجود الحونشي كليب لوحدو..

المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب

طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه

وداك مديه اشكل وربي ولا هو معبرو

جساس: شوف ياكليب..انتا كسرة الماصورة حقتنا ولا خليتنا نشرب مويه

لا نحنا ولا غنماتنا ولاجملاتنا ... وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير العيلة

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.

ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.

جساس صرخة بصوت عالي مرةانت يا كلـــــــــــــــيب ياخي رد عليّا ايشبك ،اتبكمت والا ايش؟

انا عارف انو ما تطالع وراك الا ازا كان فيه بشكة اقل شي اربعين راجل...

كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.

ساعتها الواد جساس جسمو تكهرب شويه بس سوى فيها انو ولا همو

وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..

وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..

قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ...

الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..

اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع

وقلّو: مو انتا عمّنا كليب ،اشبك كدا؟ ... ايش صار فيك ياعمنا ..

رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟

.ياخي جيب لي شوية مويه ابغى اشرب ياواد...

البدوي صاحبنا جبلو مويه وشرّبو .

كليب: اسمع ياواد انا غدر بي الواد جساس واكلني الرمح حقو بظهري من ورى ...


والي خلق امك لو انو كان من قدامي كان عرفت اتصرف معاه ...

لكن هو رمه وجبان وخيخة وجايني من ورى لكن مو مشكلة انا اعرف اجيب حقي...

حتي وانا ميت ورايا رجاجيل ما تترك حقي يابويا.

وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي

( لانو ماكان معاه قلم ولاورقةولا حاجة يمكن نسيها في البيت )...

ولازم اخوي سالم الداشر يقراها...

وبعدين الله يخليك تسوي معايا معروف انك تقتلني بعد ما اغلق من القصيدة ...

قبل ما يعفن ظهري وتصيبني الغرغرينة

قلّو البدوي طيب.

وبدا ابو الشباب يكتب الوصية:

وهي كالاتي:

اول بيت يقول: استغفر الله اله العرش لا يعبد سواه ...

وتاني بيت يقول: الملك لله رفع السماء وبسط الارض ...

وتالت بيت يقول: لاتنسى اليتاما وتخون العهد يادب ...

ورابع بيت يقول الله اكبر علي الظالم المفتري الغدار اصحك تسيبو او تسامحو

وخامس بيت يقول: جساس خمني وغدربي وطالع على الجرح بظهري وتعرف ...

وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه...

وسابع بيت يقول: يا سلومي يا ابو السلالم خليك راجل وبطلك حركات البزورة

والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم

واقتلهم كل واحد ومرتو حتى البزورة لاتسيبهم المهم فقّع ابوهم كلهم.

وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي

وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.

المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو

المهم الهرجة دحين وصلت لحارة كليب واهلوا عرفوا بالهرجة كلها وطبعا

اخوانوا سووا فيها كيف وما كيف ومن الكلام دا...

ونحن نفعل ونحنا نسوي وحقنا مايروح لو علي شواربنا ومن الخراط هادا.

المهم

راحوا عند بيت عيال عمهم وتقابلوا مع ابوهم يعني قلك يسون مفاوضات...

وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.

وبعدين صاحبنا سالم كان سكران مع ولد عمو همام (ابو رحم) يعني رحيمو ... تعرفون كانو داشرين حقين شراب وبنات وكباين وشاليهات ومخلينها خل وطرشي

المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)

سكران مقربع مزبوط ومأجر السقف العلوي بالملحق كمان ... وطل همام وعرف الهرجة,

وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ...

احس انو في شي بس ما تبغو تتكلمو ...بنت يا ضباع ايش الهرجة؟

المهم العالم خافت وقامت تنفض من الخوف... سحبو همام وقالو ادخل جو ونتفاهم ...

مسكو من صدرو قلّو ******** ايش الهرجة قلبت راسي وفكفكتها معايه وانت عارف انو مرووقين وشاربين

قلّّو همام شوف: لو قتلوا اخوك كليب... ايش تسوي؟

قام ضحك الدب الداشر(الزير ) الا شوي كشر بوجهو وقلب قارورة العرق وخلها تقطر شويه شويه...قلّو شايف هدا العرق كيف يقطر؟
طالع همام مستغرب

قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم

وانتا شوف اخوي قد ايش عندو دم( بكاش الواد هادا الزير) المهم.

همام قال:ياهوووووه ما بدها خليني اديلو الهرجة والي يصير يصير:

وقلّو الهرجة .... والدب الداشر(الزير) سوا مناحة ديك الليلة

وهاتك يابكى وصراخ زي البزوره ..تعرف مع السكار والخبر الي مزفت ..

نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين..لمن طلع الصبح وصاحبنا نايم علي الدكة وحالتو حاله ...

ولد اختو من جد نذل قال لابوه:هيا نقتلو وهو سكران وفكنا من شرو

ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد.

المهم صبح الصبح وكل واحد يبغى يسري عند اهلو عشان يشوفون ايش الهرجة وكيف راح يدور البوكس بينهم( يعني المعركة ) وقبل مايمشون ...

سوا فلم هندي الدب الداشر وقرينو همام ...

قلك ماراح اقتلك وما ادري ايش وما ابغاك تكون خصمي يا همام ...

وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي.

المهم كل واحد سرى عند اهلو...وقالوا بيننا البرحة ونشوف مين يغلب.

وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم
الجيشاوي
الجيشاوي

عدد المساهمات : 2849
نقاط : 28610
السٌّمعَة : 1
تاريخ التسجيل : 08/05/2010
العمر : 35
الموقع : أنا هون ..و هنيك..و هناك..

الرجوع الى أعلى الصفحة اذهب الى الأسفل

قصة حرب البسوس بطريقة مضحكة Empty رد: قصة حرب البسوس بطريقة مضحكة

مُساهمة من طرف الجيشاوي الخميس أكتوبر 14, 2010 8:25 am

والله هيدا السعودي شي ناهي
ههههههههههههههههههههههههههههههههه
الجيشاوي
الجيشاوي

عدد المساهمات : 2849
نقاط : 28610
السٌّمعَة : 1
تاريخ التسجيل : 08/05/2010
العمر : 35
الموقع : أنا هون ..و هنيك..و هناك..

الرجوع الى أعلى الصفحة اذهب الى الأسفل

قصة حرب البسوس بطريقة مضحكة Empty رد: قصة حرب البسوس بطريقة مضحكة

مُساهمة من طرف لوليتا الأحد أكتوبر 17, 2010 1:58 am

هههههههههههه
يبعتلك الهنا
لوليتا
لوليتا
المديرة
المديرة

عدد المساهمات : 3674
نقاط : 31049
السٌّمعَة : 3
تاريخ التسجيل : 19/03/2010
العمر : 33
الموقع : syria

https://eyesloveclub.yoo7.com

الرجوع الى أعلى الصفحة اذهب الى الأسفل

قصة حرب البسوس بطريقة مضحكة Empty رد: قصة حرب البسوس بطريقة مضحكة

مُساهمة من طرف الجيشاوي الأحد أكتوبر 17, 2010 7:50 am

أهلين لولو بس بشرفك مو حلوة
أحلا شي البيت السادس
الجيشاوي
الجيشاوي

عدد المساهمات : 2849
نقاط : 28610
السٌّمعَة : 1
تاريخ التسجيل : 08/05/2010
العمر : 35
الموقع : أنا هون ..و هنيك..و هناك..

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى